أنت بتتذكر كل يوم كنت تقول فيه أنى مش هقدر أعمل هيك ابداً، ما بيطلع بإيدي أعمل هيك هدا الإشي صعب وبيحتاج لجهد كبير
هل بتتذكر أيام ما كنت بتعتقد انه مش هتطيق هذا الاشي أبدا، وإنك مش هتتحمل؟؟
هل تعلم انه الك سجل حافل من الأيام السيئة 100% تفكير سلبي تراجع مماطلة
هل تعلم انه كان بمقدورك انك تطلع من هاي الحالة لكن كنت كل مرة تضيع الفرصة وبدل ما تقدم خطوة كنت بترجع للوراء
انت بتقدر تتبع مسارك في الحياة تتذكر السجل الخاص فيك سجل السيئات ...السلبيات ..هاي هي الحقيقة..
ربنا نجاك من كل مكروه كان ممكن تصير قصص خيالية معك ...ربنا نجاك من الحادث الفلاني من الصحبة السيئة من الانحراف من الإدمان من السجن من السقوط من الجريمة ...
كان ممكن هادا كله يصير معك لكن ربنا حماك ونجاك..
وانت الآن على قيد الحياة لديك من القوة والصحة والفراغ ...عليك انت تحمد الله على هذه النعم..
كل المتاعب اللي كنت بتعاني منها كل التحديات المزعجة في الماضي ...
الإحباط – الملل – الخذلان – الكسل – الفشل -اليأس– الرسوب في بعض الامتحانات او ماشابه
لكن انت بالأخير قدرت تواجه هاي العقبات وتتعامل معها
طريقك مليانه بالعقبات ..شو بتفكر انت انه هذا الامر نزهة ..لااااا
هيكون الأمر صعب / الجواب نعم
هتواجه عقبات وفشل / نعم ...لكن حاول عدة مرات .....
نعم هذا هو الحلم ..
عندك حلم بدك تحققه ...هتفكر انه الأمر سهل في البداية وبعدين بتعرفش شو بصير في يوم وليلة أو بين عشية وضحاها..
صراعات ..معيقات ..عدم قدرة على القيام بالأمور اللي انت خططت الها بالشكل الصحيح..
هيكون في أوقات انت مش هتقدر تعمل اشي ، ومش عارف شو تعمل ، هذا جزء من المصاعب والمشاكل اللي هتواجهك لكن هذا ما يجب انت تمر به حتى تصل لهدفك
الفشل طريق النجاح... لازم تصبر وتحاول مرة ثانية ..
لا زم تعرف انه أنت قوي بما فيه الكفاية ..انت بتقدر تعمل أي شيء للوصول لهدفك النبيل .
وأنه حياتك تستحق الأفضل..والحلم اللي انت بتحلمه لازم يتحقق.
قليل من الناس الذين قرروا داخل أنفسهم ، انهم يعملوا اللازم حتى يحققوا أهدافهم
عدد قليل من الناس اللي كان عندهم إصرار.
ما كانوا بيخافوا من بكرا ..
بسبب رؤيتهم الإيجابية لأنفسهم ، بسبب أنهم بيشعروا انهم يستحقون النجاح وانهم بإمكانهم انهم يصنعوه لأنفسهم .
وبسبب رؤيتهم لحياة أفضل
لأن هؤلاء الناس قرروا ، وهم عيونهم للمستقبل ، وهم يرون أنفسهم ناجحين في حياتهم.
لما يكون عندك إرادة ، هيكون في طريقة تبدا فيها عشان تنشئ طريقة للخروج منها
وتبدأ تسلك طريقك نحو النجاح..
ولما يكون عندك هذا النوع من الوعي ، و هذا النوع من الروح والمعنويات ، ما في اشي ممكن يمنعك .
بقلم: عامر الهمص
