ثلاث حيل ممكن تخليك تتعامل مع الناس بفطنة وذكاء حتى تكسب احترامك ومكانتك وهيبتك بين الناس.
أول حيلة بتحكي (أبعد أنظار الأخرىن عما تود فعله)، وخليني احكيلكم قصة بتوضح هاي القاعدة، القصة بتحكي إنه في يوم من الأيام كان في شخص بيحب يسافر من بلده لبلد تانية للتجارة، وكان دايما معه دراجة بيحط عليها كيس من القمح، ولما كان يوصل الحدود كان موظفين الحدود أو شرطة الحدود يوقفوه ويفتشوا كيس القمح ويصادروه وبعدها يخلوه يعدي، وكل مرة تتكرر نفس العملية يوقفوه ويصادروا كيس القمح وبعدها يخلوه يعدي، لحد ما في يوم من الأيام زوجة هادا الرجل التاجر، كانت في البيت وجدت دفتر مذكرات كتب فيه كنت اضحك كثيرا على شرطة الحدود وكان جل تركيزهم على أكياس القمح ولم يعلموا اني جنيت ثروة كبيرة من تجارة الدراجات، تخيل كيف كان يشتت أفكارهم بكيس القمح وهو غمل ثروة كبيرة من تجارة الدراجات، لهيك دايما من الأفضل إنك تبعد انظار الآخرين عما تود فعله وهنا في سببين بيخلوك تبعد أنظار الآخرين وتشتت فكرهم عن الشيء اللي انته بدك تعمله،، السبب الآول أنه لازم نستعين لقضاء حوائجنا بالسر والكتبان كما وصنا النبي صلى الله عليه وسلم، والسبب الثاني إنه لو بدك تحكي للناس عن أهدافك رح يحبطوك ويقللو من معنوياتك عشان هيك يفضل انك ما تحكي للناس شو بدك تعمل.
ثاني حيلة يا أحباب بتحكي (تعلم فن الغياب حتى تزيد مكانتك وقيمتك عند الآخرين)، لأن زي ما انتم عارفين السلعة المتواجدة بين الناس بكثرة بتقل قيمتها وكل ما زاد حضورك وجلوسك مع الآخرين بدون سبب هيبتك رح تقل، عشان هيك لما تلاقي انه الك قيمة ومحبة عند الآخرين غيب فترة، حتلاقي إنهم افتقدوك واشتاقوا انك تكون بينهم وبالتالي لما ترجع بيزيد حضورك ومكانتك بينهم لما ترجع، تعلم فن الغياب بين الفترة والثانية رح تلاقي انك بتحافظ على قيمتك ومكانتك عندهم.
ثالث حيلة بتقول: (أرهب الآخرين بتغير مفاجئ حتى تكسب احترامهم للأبد، الناس بطبيعتها بتحب تسيطر على علاقاتها يعني لو انت ماشي بنمط شخص محترم وطيب وهادي هذا شيء جميل لكن الناس اذا بتضل معهم بهذا الأسلوب وهذا النمط رح يتمادوا ويقل احترامهم الك وهذا بيصير مع اغلب الناس الا من رحم ربي، عشان هيك دائما اكسر توقعاتهم وفاجئهم بردة فعل غريبة، مثل انك تعصب فجأة على موقف معين مش عاجبك وتبين انك مش دايما الفلان الهادي النادي اللي القط بياكل عشاه مثل ما بيقولوا، لما تفاجئهم بردة فعل قوية بيهابوكك وبيحترموك لانهم رح يعرفوا انه في جانب بشخصيتك مخيف وانه عندك ردات فعل مش رح تعجبهم عشان هيك الحيلة التالتة بتحكي أرهب الآخرين بردات فعل تفاجئهم حتى يحترموك للأبد،
وواصلنا لفقرة اقتباس اليوم ، واقتباس اليوم للدكتور إبراهيم الفقي بيقول فيه اذا سقط الاحترام سقط معه كل شيء فلا حب بلا احترام، ولا صداقة بلا احترام ، ولا حتى قرابة بلا احترام.
بتمنى يكون الفيديو عجبكم ما تنسوا اللايك والاشتراك في القناة للي ما اشترك وتفعيل الجرس حتى يوصلكم كل جديد وياريت تشاركوا الفيديو مع الأصدقاء والسلام عليكم ورحمة الله وبركاته...